Безнең тарих

Ачык университет проекты 2019 елның башында барлыкка килде. Ул "Акыл фабрикасы" проекты кысаларыннан үсеп чыкты. Хәзер ул мөстәкыйль проект. Аны тормышка ашыру эшен Бөтендөнья татар яшьләре форумы башкарды. 2019 елның февраль, март, апрель айларында тарих, заманча мәдәният темаларына offline курслары узды. Ачык университетта 100дән артык кеше белем алды. Лекцияләрне Фаяз Хуҗин, Гамирҗан Дәүләтшин, Дамир Исхаков, Хатыйп Миңнеголов, Илнур Миргалиев һ.б. танылган галимнәр укыды.

Бу эш иҗтимагый оешма тарафыннан башкарыла. Безнең команда яшь, белемле, креатив шәхесләрдән тора. Алар бүгенге көндә актуаль, күпләргә кызыклы булган темаларга лекцияләр яздыра, тирән белемле, заманча фикерләүче лекторларны эшкә җәлеп итә. Моннан тыш, Ачык университет лекцияләрен эшкәртә, сезгә уңайлы форматта тәкъдим итә.